Falsk alarm om køyring i rusa tilstand
Politiet rykte ut til Halhjem onsdag morgon.
Politiet opplyser i ein e-post at dei onsdag morgon fekk melding om mogleg køyring i rusa tilstand.
– Det viste seg å vera ei misforståing. Politiet var på staden og kontrollerte føraren, som blåste til 0,00, skriv Anne Lyssand i ein e-post.
Annonse
Kontroll ved Esso
Kring midnatt kontrollerte politiet ein lett MC ved Esso-stasjonen i Os sentrum.
– Sykkelen framstod utan DB-killer. Føraren hadde gyldig førarkort og blåste til 0,00 og blei ilagt kontroll hos Statens vegvesen.
Fuglar i vegen
Annonse
På Halhjemsvegen skapte påfuglar utfordringar i trafikken onsdag morgon. Lyssand opplyser at fleire vandra på vegen.
– Eigar blei kontakta og fuglane blei trygt henta heim.
