Informerer om ferje-grep i høve Brann-Viking-kampen

Det er venta store hordar av Viking-supporterar til Brann Stadion fredag kveld. På eigne sider melder Torghatten at dei tek høgde for nettopp dette, og at dei ønskjer å gjera folk merksame på at det blir mykje trafikk på Halhjem-Sandvikvåg før og etter kampslutt.

«Vestlandsderbyet mellom Brann og Viking vert spelt i Bergen i kveld og i samband med dette er det venta rundt 1.000 Viking-supporterar til kampen. Fem supporterbussar frå Stavanger vil følgja avgangen frå Sandvikvåg klokka 16.10. Ved eventuelle forseinkingar, kan bussane bli med på avgangen klokka 16.30. Dette til orientering», skriv dei.

Dei legg til at det er sett opp ein ekstratur for Viking-fansens heimtur. Denne går frå Halhjem klokka 22.45.